चंद्रकांत मुजगे
जिल्हा प्रतिनिधी
नंदुरबार:- कृषी विभागामार्फत खरीप हंगाम 2023 फिक्स स्पर्धेचे आयोजन करण्यात आले आहे या स्पर्धेत शेतकऱ्यांनी 31 ऑगस्ट 2023 पर्यंत सहभाग नोंदवावा असे आव्हान जिल्हा अधीक्षक कृषी अधिकारी राकेश वाणी यांनी केले आहे.
अन्नधान्य कडधान्य व गणित धान्य पिकाच्या पीक स्पर्धा खरीप हंगाम 2023 मध्ये राज्य, जिल्हा, तालुकास्तरावर स्वतंत्रपणे आयोजित न करता एकाच वर्षात तालुक्यात स्तरावर आयोजित करण्यात येणार आहे.तालुका स्तरावरील पीक स्पर्धेत सहभाग नोंदविणाऱ्या सर्वसाधारण व आदिवासी गटासाठी शेतकऱ्यांची उत्पादकता आधारभूत मानून विजेत्या शेतकऱ्यांची राज्य जिल्हा व तालुका स्तरावरील स्पर्धेसाठी निवड करण्यात येणार आहे. खरीप हंगाम 2023 मध्ये भात ज्वारी पाजरी मका नाचणी तूर सोयाबीन भुईमूग व सूर्यफूल या पिकाचा समावेश आहे.
स्पर्धेसाठीची बक्षिसे
तालुका पातळीवर निवड झालेल्या स्पर्धकाला प्रथम क्रमांकास रुपये पाच हजार द्वितीय क्रमांकास रुपये तीन हजार व तृतीय क्रमांकास रुपये दोन हजार असे स्वरूप आहे.
जिल्हा पातळीवर निवड झालेल्या स्पर्धकाला प्रथम प्रथम क्रमांकास रुपये दहा हजार द्वितीय क्रमांकास रुपये 7000 व तृतीय क्रमांकास रुपये 5000 असे स्वरूप आहे . "राज्य पातळीवर" निवड झालेल्या स्पर्धकाला प्रथम क्रमांकास रुपये पन्नास हजार द्वितीय क्रमांक रुपये 40 हजार व तृतीय क्रमांकास रुपये तीस हजार असे स्वरूप आहे .अधिक माहितीसाठी शेतकऱ्यांनी कृषी सहाय्यक ,कृषी पर्वेक्षक, मंडळ कृषी अधिकारी किंवा कृषी विभागाच्या कार्यालयात संपर्क साधावा असेही जिल्हा अधीक्षक कृषी अधिकारी राकेश वाणी यांनी कळविले आहे.
